Türkiyədə kanat yolundakı nasazlıq təhlükəli anlar yaşadıb
Ankara, 17 yanvar, AZƏRTAC
Türkiyənin Uludağ bölgəsindəki kanat yolunda baş verən nasazlıq səbəbindən təhlükəli anlar yaşanıb.
AZƏRTAC xəbər verir ki, kanat yolunda hərəkətin dayanması səbəbindən 6 kabinədə 11 turist köməksiz qalıb. Turistlər mənfi 15 dərəcə temperaturda təxminən 1,5 saat köməksiz, donmaq təhlükəsi ilə üz-üzə qalıblar.
Təhlükənin aradan qaldırılması üçün bölgəyə xilasedici dəstələr cəlb olunub. Turistlərdən ikisi xəstəxanaya çatdırılıb.
Sabir Şahtaxtı
AZƏRTAC-ın xüsusi müxbiri
Ankara
Bölmənin digər xəbərləri
