TÜRKİYƏNİN DAXİLİ İŞLƏR NAZİRİNİN AZƏRBAYCANA SƏFƏRİ BAŞA ÇATMIŞDIR
Daxili işlər naziri, general-polkovnik Ramil Usubovun dəvəti ilə Azərbaycana gələn Türkiyənin daxili işlər naziri Abdulkadir Aksu iki günlük səfərini başa çatdıraraq, iyulun 10-da öz ölkəsinə yola düşmüşdür. Dost və qardaş ölkənin naziri respublikamıza səfərinin nəticələrindən razı qaldığını, keçirilən görüşlərin, aparılan danışıqların faydalı olduğunu vurğulamış, Azərbaycan ilə Türkiyə arasında daxili işlər orqanları sistemində əlaqələrin daha da möhkəmlənməsi və genişlənməsi üçün bundan sonra da əməkdaşlığın davam etdiriləcəyini bildirmişdir. Binə hava limanında hörmətli qonağı Azərbaycanın daxili işlər naziri, general-polkovnik Ramil Usubov, Türkiyənin ölkəmizdəki səfiri Əhməd Ünal Çeviköz yola salmışlar.
Bölmənin digər xəbərləri
