Türkiyənin gənclər və idman naziri: Təşkilat çərçivəsində beynəlxalq yarışların sayının artırılması planlaşdırılır
İsmayıllı, 9 noyabr, AZƏRTAC
“Bu toplantıda Türkdilli dövlətlərin gənclərinin inkişafı üçün mühüm layihələr nəzərdən keçirilib”.
AZƏRTAC xəbər verir ki, bu sözləri Türkiyənin gənclər və idman naziri Osman Aşkın Bak İsmayıllıda keçirilən Türk Dövlətləri Təşkilatının gənclər və idman nazirlərinin yeddinci iclasından sonra jurnalistlərə açıqlamasında deyib.
Nazir yüksək təşkilatçılığa görə Azərbaycan tərəfinə təşəkkür edib: "Növbəti toplantımız isə Qazaxıstanda baş tutacaq. İstəyirik ki, gənclərimiz hər mövzuda, əsasən də idmanın müxtəlif növlərində özlərini inkişaf etdirə bilsinlər. Buna görə də planlaşdırırıq ki, yüksək səviyyədə keçirilən beynəlxalq yarışların sayı daha da artırılsın. Gənclərin internetdən asılılığını aradan qaldırmaq, səmərəli vaxtlarında idmanla məşğul olmalarını təmin etmək isə əsas hədəfimizdir".
Bölmənin digər xəbərləri
