Türkiyənin Malatya bölgəsində baş verən zəlzələdə qəzalı vəziyyətə düşən evlərin sakinləri çadırlarda yerləşdirilib
Ankara, 5 avqust, AZƏRTAC
Türkiyənin Malatya vilayətinin Pütürge rayonunda avqustun 4-də baş verən Rixter cədvəli ilə 5,2 bal gücündə zəlzələ bəzi tikililərə ciddi zərər vurub.
AZƏRTAC Malatya valiliyinin internet səhifəsinə istinadla xəbər verir ki, vilayətin rəhbəri Aydın Baruş təbii fəlakət bölgəsində olub. Vali Aydın Baruşun sözlərinə görə, baş verən zəlzələdə insan tələfatı olmayıb. Lakin araşdırma zamanı altı binanın tamamilə qəzalı vəziyyətə düşdüyü müəyyən edilib. Həmin evlərin sakinləri üçün çadırlar qurulub.
Digər bir məlumatda bildirilir ki, rayonun Taşmış məhəlləsində tarlalarda torpaq sətində 3-4 kilometr uzunluğunda 3-5 santimetr enində yarıqlar əmələ gəlib.
Sabir Şahtaxtı
AZƏRTAC-ın xüsusi müxbiri
Ankara
Bölmənin digər xəbərləri
