Türkiyənin “TRT-Avaz” telekanalı Xocalı soyqırımı ilə bağlı xüsusi proqram hazırlamışdır
Bakı, 26 fevral (AZƏRTAC). Türkiyənin “TRT-Avaz” telekanalı Xocalı soyqırımının 22-ci ildönümü ilə əlaqədar geniş proqram yayımlamışdır.
AZƏRTAC xəbər verir ki, faciə ilə bağlı həqiqətlər barədə tamaşaçılara ətraflı məlumat verilən proqramda 1992-ci il 26 fevral gecəsinin dəhşətlərindən danışılmışdır.
Azərbaycan xalqının unudulmaz faciəsini dünyaya nümayiş etdirən telekanal Türkiyə və Azərbaycanın bir çox yerlərində keçirilən anma mərasimlərindən birbaşa reportajlar yayımlamış, həmin hadisələrin şahidlərindən alınmış müsahibələri efirə vermişdir.
Proqramda dünya ictimaiyyətinə XX əsrin ən qanlı hadisəsinə biganə qalmamaq barədə çağırış edilmişdir.
“TRT-Avaz” telekanalı, həmçinin ermənilərin azərbaycanlılara qarşı vəhşiliyini əks etdirən film də nümayiş etdirmişdir.
Bölmənin digər xəbərləri
