TÜRKMƏNİSTAN AZƏRBAYCANIN ƏRAZİ BÜTÖVLÜYÜNÜ DƏSTƏKLƏYİR
AZƏRTAC xəbər verir ki, aprelin 7-də Azərbaycanın baş naziri Artur Rasizadə Türkmənistanın müdafiə naziri Ağagəldi Mamedgəldiyev başda olmaqla bu ölkənin nümayəndə heyəti ilə görüşmüşdür.
Azərbaycan hökumətinin başçısı son vaxtlar Azərbaycan-Türkmənistan münasibətlərinin fəallaşmasını vurğulayaraq, bu prosesə iki ölkənin prezidentləri - İlham Əliyev və Qurbanqulu Berdiməhəmmədov tərəfindən böyük töhfə verilməsini qeyd etmişdir.
Baş nazir Azərbaycanın iqtisadi uğurlarından söhbət açaraq, xüsusi vurğulamışdır ki, qısa müddətdə milli ÜDM-in həcmi bir neçə dəfə artmışdır. O, qonaqlara Ermənistan-Azərbaycan, Dağlıq Qarabağ münaqişəsi barədə də ətraflı məlumat vermişdir.
Türkmənistanın müdafiə naziri öz növbəsində bildirmişdir ki, onun ölkəsi Azərbaycanın ərazi bütövlüyünü və münaqişənin beynəlxalq normalara uyğun həll edilməsini dəstəkləyir.
Bölmənin digər xəbərləri
