Türkmənistanda parlament seçkilərində səsvermə başlanıb
Bakı, 25 mart, AZƏRTAC
Bu gün Türkmənistanda yerli vaxtla saat 7:00-dan parlament seçkilərində səsvermə başlanıb.
AZƏRTAC RİA Novosti agentliyinə istinadla xəbər verir ki, Türkmənistan parlamentində 125 deputat yeri uğrunda partiya və vətəndaş qrupları tərəfindən irəli sürülmüş 284 namizəd mübarizə aparır. Bu ölkədə üç partiya - Demokratik Partiya, Aqrar Partiya, Sənayeçilər və Sahibkarlar Partiyası fəaliyyət göstərir.
Türkmənistanda 3,2 milyondan çox seçici qeydiyyata alınıb. Səsvermə 2,6 min seçki məntəqəsində keçirilir. Onlardan 39-u Türkmənistanın xaricdəki diplomatik nümayəndəlik və konsulluqlarında yerləşir.
Seçkilər birmandatlı dairələr üzrə keçirilir. Deputatlar beş il müddətinə seçilir. Səsvermədə iştirak edən seçicilərin yarısından çoxunun səsini toplamış namizəd seçilmiş hesab edilir.
Səsvermə bu gün Türkmənistan vaxtı ilə saat 19:00-da başa çatacaq.
Bölmənin digər xəbərləri
