TUŞİNODA TERROR AKTINI TÖRƏDƏNLƏRDƏN BİRİ MOSKVAYA DOĞRUDANMI TBİLİSİDƏN GƏLMİŞDİ?
Məlum olduğu kimi, iyulun 5-də Moskva yaxınlığındakı Tuşino aerodromunda rok musiqisi festivalında bir neçə terror aktı törədildikdən sonra bəzi kütləvi informasiya vasitələri xəbər yaymışlar ki, onların iştirakçılarından biri Rusiya paytaxtına Tbilisidən gəlmişdir və onun üstündən bunu təsdiqləyən təyyarə bileti tapılmışdır. Gürcüstanın Dövlət Təhlükəsizliyi Nazirliyi dərhal buna öz münasibətini bildirmişdir. Nazirliyin mətbuat xidmətinin rəhbəri Nika Laliaşvili jurnalıstlərlə görüşündə demişdir ki, müvafiq orqanların nümayəndələri təkcə Tbilisi-Moskva aviareyslərinin deyil, həm də bütün tranzit aviareyslərinin sərnişinlərinin siyahılarını nəzərdən keçirmişlər. Onlar heç bir siyahıda Lixaciyeva soyadına rast gəlməmişlər. Laliaşvili bildirmişdir ki, Rusiyanın xüsusi xidmət idarələrinin əməkdaşları gürcü həmkarları ilə yaxından əməkdaşlıq edir və onların əlində Lixaciyeva soyadlı adamın təyyarə ilə Gürcüstandan Rusiyaya uçduğını təsdiq edən fakt yoxdur.
Bölmənin digər xəbərləri
