UCUZ YOLLA “VARLANMAQ” ASAN İŞ DEYİLMİŞ...
Xaçmaz gömrükxanasının “Samur” postunda Rusiyadan ölkəmizə gələn “Mersedes” markalı avtobusa və “Qazel” avtomobilinə baxış zamanı Azərbaycan vətəndaşları Vidadi Bağırova və Elxan Salayevə məxsus aksiz markası və lisenziyası olmayan 267 şüşə xarici araq və çaxır, 20 şüşə pivə və 2 min qutu siqaret aşkarlanmışdır.Dövlət Gömrük Komitəsinin mətbuat xidmətindən bildirmişlər ki, Pyatiqorskdan Bakıya gələn avtobusun sərnişini Ənvər Qəmbərova məxsus 16,5 kiloqram kürü, 500 qutu siqaret və xeyli miqdarda kürü qabları üçün qapaqlar, “Yalama” gömrük postunda isə “Moskva-Bakı” qatarında Sehran İbrahimovun vaqonun tavanında gizlətdiyi 960 qutu siqaret, 68 şüşə xarici araq tutulmuşdur.
Bölmənin digər xəbərləri
