UEFA Avropa Liqasının finalı: “Sevilya” klubu “Roma”ya qarşı
Bakı, 31 may, AZƏRTAC
Bu gün UEFA Avropa Liqasında 2022/2023-cü il mövsümünə yekun vurulacaq.
AZƏRTAC xəbər verir ki, final matçı İspaniyanın “Sevilya” və İtaliyanın “Roma” klubları arasında keçiriləcək.
Qarşılaşma Macarıstanın paytaxtı Budapeştdəki 67 min tamaşaçı tutumuna malik “Puşkaş Arena”da baş tutacaq. Bu, qitənin ikinci dərəcəli klub turnirində “Sevilya”nın yeddinci, “Roma”nın isə ikinci finalı olacaq.
İspaniya klubu altı dəfə Avropa Liqasının qalibi olub. “Roma” isə tarixində ilk dəfə Avropa Liqasının qalibi olmağa çalışacaq.
Bakı vaxtı ilə saat 23:00-da başlayacaq matçı ingiltərəli baş hakim Entoni Teylor idarə edəcək.
Bölmənin digər xəbərləri
