UEFA Konfrans Liqası: "Marsel" - "Qarabağ" matçının birinci hissəsi başa çatıb
Bakı, 18 fevral, AZƏRTAC
UEFA Konfrans Liqasının pley-off mərhələsi çərçivəsində keçirilən "Marsel" - "Qarabağ" oyununun birinci hissəsi 2:0 hesabi ilə başa çatıb.
AZƏRTAC xəbər verir ki, "Velodrom" stadionunda oynanılan qarşılaşmanın 41-ci dəqiqəsində meydan sahiblərinin hücumçusu Arkadiuş Milik hesabı açıb. Cəmi üç dəqiqə sonra A.Milik yenidən fərqlənərək dubla imza atıb.
Matçı monteneqrolu FIFA referisi Nikola Dabanoviç idarə edir.
Ağdam təmsilçisinin heyətində Luka Quqeşaşvili, Qara Qarayev, Maksim Medvedev, Patrik Andrade, Abdullah Zubir, Filip Ozobiç, Kadi Borges, İbrahima Vadji, Toral Bayramov, Marko Veşoviç və Kevin Medina meydana çıxıblar.
"Marsel"in ilk onbirliyində isə Stiv Mandanda, Alvaro Qonsales, Babakar Kamara, Leonardo Balyerdi, Jerson, Arkadiuş Milik, Luan Peres, Cengiz Ünder, Konrad de la Fuente, Pap Quye və Pol Lirola yer alıblar.
"Köhlən atlar"ın heyətində Şahruddin Məhəmmədəliyev və Xayme Romero zədəlidir, Bədavi Hüseynov, Abbas Hüseynovun isə meydana çıxması sual altındadır. Meydan sahiblərində isə yeganə itki Valenten Ronjyenin cəzalı olmasıdır.
Bölmənin digər xəbərləri
