UFAZ-ın magistratura proqramlarına qəbul üçün keçid balı dəyişdirilib
Bakı, 1 may, AZƏRTAC
Azərbaycan Dövlət Neft və Sənaye Universitetinin (ADNSU) nəzdində fəaliyyət göstərən Azərbaycan-Fransız Universitetinin (UFAZ) magistratura proqramlarına qəbul üçün keçid balı dəyişdirilib.
UFAZ-dan AZƏRTAC-a bildirilib ki, ali təhsil ocağının magistratura proqramlarına müraciət etmək üçün əsas şərtlərdən biri Dövlət İmtahan Mərkəzi (DİM) tərəfindən təşkil edilmiş qəbul imtahanında minimum 70 bal toplamaq idi. Çoxsaylı müraciətləri nəzərdən keçirən UFAZ Elmi Komitəsi magistratura proqramına müraciət üçün keçid balını 70-dən 60-a endirib.
Bu qərardan sonra DİM imtahanında 60 və daha çox bal toplamış mühəndislər, kimyaçılar və proqramçılar müvafiq proqramlara müraciət edə bilərlər.
Bölmənin digər xəbərləri
