Ukrayna BVF-dən 2,2 milyard dollarlıq növbəti tranş alıb
Bakı, 3 iyul, AZƏRTAC
Ukrayna Beynəlxalq Valyuta Fondundan (BVF) genişləndirilmiş kredit mexanizmi proqramı vasitəsilə 2,2 milyard dollarlıq növbəti tranş alıb.
AZƏRTAC xəbər verir ki, Ukraynanın Baş naziri Denis Şmıqal bu barədə özünün sosial media hesabında yazıb.
“Ukrayna BVF-dən 2,2 milyard dollarlıq növbəti tranş alıb. Bu, 16 milyard dollarlıq genişləndirilmiş kredit mexanizmi proqramının bir hissəsidir”, - deyə Denis Şmıqal bildirib. Onun sözlərinə görə, köçürülən məbləğ hökumətə kritik büdcə xərclərini, sosial müavinətləri, həkimlərin və müəllimlərin maaşlarını ödəməyə kömək edəcək.
Qeyd edək ki, Ukrayna bu ilin sonunadək kredit xidmətinə görə Beynəlxalq Valyuta Fonduna 2,9 milyard dollar ödəməlidir.
Bölmənin digər xəbərləri
