Ukraynada prezidentliyə namizəd Zelenskinin evi yaxınlığında silahlı şəxslər zərərsizləşdirilib
Kiyev, 15 aprel, AZƏRTAC
Ukraynada prezidentliyə namizəd Vladimir Zelenskinin yaşadığı evin yaxınlığında silahlı şəxslər zərərsizləşdirilib.
AZƏRTAC ТСН kanalına istinadla xəbər verir ki, güc strukturlarının həyata keçirdiyi əməliyyat nəticəsində bir neçə nəfər zərərsizləşdirilib.
Ukrayna polisi zərərsizləşdirilən şəxslərin bir neçə cinayəti planlaşdırdıqlarını açıqlayıb. Polis Zelenskiyə qarşı terror hazırlandığı barədə suala şərh verməyib.
Qeyd edək ki, Ukraynada prezident seçkilərinin ikinci turu aprelin 21-də keçiriləcək. Vladimir Zelenski və Petro Poroşenko Ukrayna prezidentliyi uğrunda mübarizə aparacaqlar.
Emil Hüseynli
AZƏRTAC-ın xüsusi müxbiri
Kiyev
Bölmənin digər xəbərləri
