Ukraynalı sənətşünas-ekspert Milli Azərbaycan Tarixi Muzeyində
Bakı, 10 yanvar, AZƏRTAC
Azərbaycan Milli Elmlər Akademiyasının Milli Azərbaycan Tarixi Muzeyində ukraynalı sənətşünas-ekspert, rəssam Yuliya Tarasenko ilə görüş olub.
Muzeydən AZƏRTAC-a bildiriblər ki, “İçərişəhər” Dövlət Tarix-Memarlıq Qoruğu İdarəsi və müvafiq təhsil müəssisələri nümayəndələrinin də iştirak etdikləri görüşdə “Memarlıq bizimlə necə danışır” mövzusunda fikir mübadiləsi aparılıb. Eyni zamanda, müxtəlif tarixi dövrlərdə Avropada və İslam dünyasında, həmçinin Bakı şəhərində mövcud olan Şərq və Qərb memarlıq üslubları haqqında ətraflı məlumat verilib, slayd təqdim olunub.
Sonda Y.Tarasenko iştirakçılara incəsənət tədbirlərinin fərdi və ictimai mədəniyyətin inkişafına təsiri mövzusunda anketlər təqdim edib və onların rəylərini öyrənib.
Bölmənin digər xəbərləri
