UKRAYNANIN SÜLHMƏRAMLI QÜVVƏLƏRİ İRAQDAN 2005-Cİ İLDƏ ÇIXARILACAQ
Yanukoviç demişdir ki, o, İraqdakı hərbi qüvvələrin tədricən azaldılmasına tərəfdardır. Hazırda Ukraynanın İraqdakı sülhməramlı kontingenti təqribən 250 nəfər azaldılmışdır. İndi Ukrayna İraq əsgərlərini özlərinin təhlükəsizlik sistemini yarada bilməsinə hazırlayır. 2005-ci ilin yanvarında İraqda keçiriləcək seçkilər kontingentin çıxarılması prosesini sürətləndirəcəkdir.
Baş nazirin sözlərinə görə, Ukraynanın İraqda öz iqtisadi maraqları var. O demişdir: “Orada böyük bazar var, xüsusilə Ukrayna iqtisadiyyatının ixracatyönümlü olmasını nəzərə alaraq, bu bazarı əldə saxlamaq lazımdır”.
İraq rəhbərliyi oktyabrın əvvəllərində Ukrayna Prezidenti Leonid Kuçmaya müraciətində bu ölkədəki hərbi kontingenti azaltmamağı xahiş etmişdir.
Ukraynanın təxminən 1600 nəfərlik hərbi kontingenti İraqda öz missiyasını 2003-cü ilin avqustundan yerinə yetirir. Bu müddət ərzində orada 9 ukraynalı hərbi qulluqçu həlak olmuş, 20 nəfər isə yaralanmışdır.
Sentyabrın axırında Ukrayna Təhlükəsizlik Şurası Prezident Kuçmanın İraqdakı hərbi kontingenti tədricən azaltmaq təklifini dəstəkləmişdir.
Bölmənin digər xəbərləri
