Bakı, 27 sentyabr, AZƏRTAC

Öz məhsul və xidmətlərimizi Azərbaycan bazarında qardaş ölkəyə təklif etməyə hazırıq.

AZƏRTAC xəbər verir ki, bunu "Ulak" rabitə şirkətinin baş meneceri Ruşen Kömürcü jurnalistlərə müsahibəsində deyib.

O, həmçinin şirkət haqqında məlumat verərək bildirib: “Türkiyənin milli baza stansiyası istehsal edən "Ulak" rabitə şirkəti 2017-ci ildə yaradılıb. "Asensal"ın törəmə şirkəti olan "Ulak" şirkətinin 4.5 G standartında Türkiyə daxilində yayılmış 3 mindən çox baza stansiyası var. Bundan əlavə, biz 5G üçün baza stansiyaları istehsal edirik və xaricə ixrac etməyi planlaşdırırıq. Baza stansiyasından başqa, bizim əsas məhsulumuz "SD- WAN" adlandırdığımız təhlükəsiz rabitəni təmin edən şəbəkə əsaslı qutumuzdur. Bununla da bir çox nöqtədə mərkəzi olan qurum və təşkilatların bir-biri ilə etibarlı şəkildə əlaqə yaratmasını təmin edirik. Buna görə də "Ulak" rabitə şirkəti həm dövlət, həm özəl sektorların, həm də ictimaiyyətin kibertəhlükəsizlik və təhlükəsiz rabitə ehtiyaclarını qarşılamaq üçün yaradılmış bir rabitə şirkətidir. Azərbaycan bazarında öz məhsul və xidmətlərimizi qardaş ölkəmizə təklif etməyə hazırıq".