ULU ÖNDƏRİN AD GÜNÜ İLƏ BAĞLI SİLSİLƏ TƏDBİRLƏR HƏYATA KEÇİRİLİR
Rayon icra hakimiyyətindən AZƏRTAC-ın müxbirinə bildirmişdir ki, ulu öndərin doğum günü ilə bağlı şəhərin ümumtəhsil müəssisələrində, idarə, müəssisə və təşkilatlarında sərgi və guşələr, zəngin ekspozisiyalar yaradılmış, dahi rəhbərin muzeyi bir sıra yeni nəşrlər hesabına xeyli zənginləşdirilmiş, Heydər Əliyev adına mədəniyyət və istirahət parkında quruculuq işləri başa çatdırılmışdır.
Ümummilli liderin xatirə günü ərəfəsində şəhər ictimaiyyəti nümayəndələrinin iştirakı ilə “Heydər Əliyev və gənclik”, “Heydər Əliyev müasir Azərbaycan dövlətinin banisi və qurucusudur”, “Heydər Əliyev ideyaları yaşayır və qalib gəlir”, “Dünyanı heyran qoyan böyük insan” və bir sıra digər mövzularda elmi-nəzəri konfranslar, yığıncaqlar, müxtəlif səviyyəli idman yarışları, bilik müsabiqələri keçiriləcəkdir. Mayın 10-da ulu öndərin şəhərin mərkəzindəki əzəmətli heykəli önündə xatirə mərasimi keçiriləcəkdir.
Bölmənin digər xəbərləri
