ÜLVİ BACARANİ DÜNYA ÇEMPİONATINDA 20-Cİ YERƏ YÜKSƏLMİŞDİR
Bakı, 2 noyabr (AZƏRTAC). Argentinada 20 yaşadək şahmatçılar arasında keçirilən dünya çempionatında 10-cu turun oyunları olmuşdur.
Azərbaycan şahmatçısı Ülvi Bacarani bu turda Hindistan təmsilçisi Jayaram Aşvin üzərində qələbə qazandıqdan sonra turnir vəziyyətini bir qədər yaxşılaşdırmışdır. Hazırda həmyerlimiz 6,5 xal toplamış və 20-ci yerdə qərarlaşmışdır.
Turnirdə yenə də ikihakimiyyətlilik davam edir. Belə ki, Maksim Vaşye-Laqrav (Fransa) və Sergey Jiqalko (Belarus) hərəyə 9 xal yığaraq, ən yaxın izləyicilərini bir xal qabaqlayırlar.
Çempionatda bir sıra ölkələrdən 84 şahmatçı mübarizə aparır.
Bölmənin digər xəbərləri
