ÜLVİYYƏ FƏTƏLİYEVA AVROPA ÇEMPİONATINDA UĞURLU ÇIXIŞINI DAVAM ETDİRİR
AZƏRTAC xəbər verir ki, Azərbaycan şahmat məktəbinin yetirməsi Ülviyyə Fətəliyeva Çernoqoriyada keçirilən Avropa çempionatında ilk üçlüyə daxil olmuşdur.
On iki yaşlıların qrupunda mübarizə aparan həmyerlimiz 7-ci turda Polşa nümayəndəsi Anjelika Dziodzio ilə qarşılaşmada rəqibini məğlub edərək, nəticədə 5,5 xal toplamışdır.
Digər idmançılarımız - Vüqar Rəsulov (18 yaş) 5-ci, Ülvi Bacarani (14 yaş) 6-cı, Aydan Höcətova (10 yaş) 6-cı, Ülvi Sadıxov (10 yaş) 8-ci, Günay Məmmədzadə (10 yaş) 9-cu pillədə qərarlaşmışlar.
İsveçrə sistemi ilə keçirilən turnirə sentyabrın 24-də yekun vurulacaqdır.
Bölmənin digər xəbərləri
