ÜMUMMİLLİ LİDER HEYDƏR ƏLİYEVİN MİSİLSİZ XİDMƏTLƏRİ BARƏDƏ MƏRUZƏLƏR DİNLƏNİLMİŞDİR
AZƏRTAC xəbər verir ki, mayın 2-də İqtisadi İnkişaf Nazirliyində ümummilli lider Heydər Əliyevin 85 illik yubileyinə həsr olunmuş toplantı keçirilimişdir.
Tədbirdən əvvəl İqtisadi İnkişaf Nazirliyində Heydər Əliyev guşəsinin açılışı olmuş, ümummilli liderimizin büstünün önünə tər çiçək dəstələri qoyulmuşdur.
Sonra Heydər Əliyevin həyat və fəaliyyətinə həsr olunmuş film nümayiş etdirilmişdir.
İqtisadi inkişaf naziri Heydər Babayev ulu öndərin ölkədə ictimai-siyasi sabitliyin yaranması, cəmiyyətin bütün sferalarında köklü islahatların aparılması, iqtisadiyyatın inkişafı sahəsində misilsiz xidmətləri barədə məruzə ilə çıxış etmişdir.
Nazirliyin iqtisadi inkişaf siyasəti və proqnozlaşdırma şöbəsinin müdiri Rofət Hüseynəliyev “Heydər Əliyev və Azərbaycan iqtisadiyyatı”, Sahibkarlığa Kömək Milli Fondunun şöbə müdiri İbrahim Əliyev “Azərbaycan gəncliyi və Heydər Əliyev”, nazirliyin əməkdaşı Fəridə Əhmədova isə “Heydər Əliyev və Azərbaycanda qadın hüquqları” mövzusunda çıxış etmişlər.
Bölmənin digər xəbərləri
