ÜMUMMİLLİ LİDER HEYDƏR ƏLİYEVİN XATİRƏSİNƏ HƏSR OLUNMUŞ ŞAHMAT TURNİRİ BAŞLANMIŞDIR
Turniri vergilər, gənclər və idman nazirlikləri, Azərbaycan Şahmat Federasiyası təşkil etmişdir.
Əvvəlcə iştirakçılar ümummilli lider Heydər Əliyevin Vergilər Nazirliyinin foyesində qoyulmuş büstü önünə gül-çiçək düzmüşlər.
Yarışların açılışı mərasimində çıxış edən vergilər nazirinin müavini Natiq Əmirov bildirmişdir ki, ulu öndərimiz ölkədə şahmatın inkişafına böyük diqqət yetirirdi. Onun 1970-80-ci illərdə Azərbaycana rəhbərliyi dövründə Bakıda şahmat məktəbi açılmış, şahmatçıların bütöv bir nəsli yetişmişdir.
Bu siyasət müstəqillik illərində də davam etdirilmiş, ənənələr bərpa olunmuşdur. Qrossmeysterlərimiz beynəlxalq turnirlərdə qalib gəlirlər, qadın yığma komandamız isə dünya çempionatında iştirak etmişdir. Vergilər Nazirliyinin 32 əməkdaşının iştirak etdiyi turnir mayın 27-də başa çatacaqdır. Yarışların mükafat fondu 640 manatdır. Turnirin qalibi 300 manat, ikinci yerin sahibi 200 manat, üçüncü mükafata layiq görülən isə 140 manat alacaqdır.
Bölmənin digər xəbərləri
