UNEC-də 100 tələbəyə maddi yardım göstərilib
Bakı, 14 aprel, AZƏRTAC
Azərbaycan Dövlət İqtisad Universiteti (UNEC) Tələbə Həmkarlar İttifaqı Komitəsi (THİK) koronavirus (COVID -19) pandemiyası ilə bağlı mövcud durumu nəzərə alaraq, aztəminatlı ailələrdən olan tələbələrə maddi yardım göstərib.
UNEC-dən AZƏRTAC-a bildirilib ki, THİK sosial durumu aşağı olan 100 tələbənin smart kartına pul vəsaiti köçürərək, onlara dəstək olub. Maddi dəstək göstərilənlərin əksəriyyəti regionlarda yaşayan tələbələr olub.
Xatırladaq ki, UNEC Tələbə Həmkarlar İttifaqı Komitəsi Prezident İlham Əliyevin müvafiq Fərmanı ilə yaradılmış Koronavirusla Mübarizəyə Dəstək Fonduna 1000 manat vəsait köçürüb.
Bölmənin digər xəbərləri
