UNEC-də ilk dəfə onlayn “Karyera günləri” keçiriləcək
Bakı, 7 may, AZƏRTAC
Azərbaycan Dövlət İqtisad Universitetinin (UNEC) 90 illik yubiley tədbirləri çərçivəsində mayın 11-dən 26-dək onlayn “Karyera günləri” təşkil olunacaq.
UNEC-dən AZƏRTAC-a bildirilib ki, ictimaiyyətə açıq keçiriləcək tədbirin əsas məqsədi tələbə və məzunlara karyera qurmaq istiqamətində tövsiyələr vermək, işə qəbul prosesi, müsahibəyə hazırlıq barədə məlumat və məsləhətlər vermək, iş dünyasında uğur qazanmış şəxslər ilə gənclərin bir araya gəlməsinə şərait yaratmaqdır.
“Karyera günləri”ndə 15-dən çox nüfuzlu şirkətin rəhbər şəxsləri, İnsan Resursları Departamentinin rəsmiləri, eləcə də karyera planlaşdırılması üzrə ekspertlər hər gün canlı yayımda çıxış edəcək, təlim və diskussiya aparacaq, o cümlədən sosial şəbəkələrdən daxil olan sualları cavablandıracaqlar.
Canlı yayımları UNEC-in rəsmi “Facebook”, “Instagram” səhifələrindən, “YouTube” kanalından izləmək mümkündür.
Bölmənin digər xəbərləri
