UNEC-in alimlərinin tədqiqatları qlobal elmi bazalarda
Bakı, 30 mart, AZƏRTAC
UNEC-in alimlərinin tədqiqat işləri dünyanın ən böyük istinad bazası olan “Scopus” və “Web of Science” məlumat bazasına daxil edilib.
Universitetdən AZƏRTAC-a bildiriblər ki, dosentlər Rövşən Əkbərov və Emin Qəriblinin həmmüəllifi olduqları “İntuitiv linqvistik fazzi rəqəmlər vasitəsilə sosial-iqtisadi inkişafın analizi” və UNEC-in Beynəlxalq İqtisadiyyat Məktəbi direktorunun müavini, beynəlxalq iqtisadiyyat (ingilis dilli) kafedrasının dosenti İnara Rzayevanın həmmüəllifi olduğu “BMT FAO-nun ərzaq təhlükəsizliyi proqramı çərçivəsində nəticələrin monitorinqi və hesabatvermə üçün qeyri-səlis koqnitiv model inkişafı” mövzularında tədqiqat işləri “Scopus” məlumat bazasına daxil olan “Procedia Computer Science” (İSSN 1877-0509 online, 120 (2017), təsir faktoru (CiteSCore):1.01) jurnalında dərc olunub.
UNEC alimlərinin tədqiqatları, eyni zamanda, “Clarivate Analitics” şirkətinin “Web of Science” bazasına da daxil edilib.
Bölmənin digər xəbərləri
