UNEC tələbələrindən Ümummilli Liderin 97-ci ildönümünə töhfələr: konsert, yarışma, videoçarx
Bakı, 10 may, AZƏRTAC
Azərbaycan Dövlət İqtisad Universitetinin (UNEC) tələbələri ümummilli lider Heydər Əliyevin anadan olmasının 97-ci ildönümünü silsilə tədbirlərlə qeyd edirlər.
UNEC-dən AZƏRTAC-a bildirilib ki, mayın 10-da Yaradıcılıq Mərkəzinin təşkilatçılığı ilə universitetin istedadlı tələbələrinin ifasında “Ümummilli Liderin sevdiyi şeir və mahnılar çələngi” adlı canlı konsert proqramı olacaq. Konsert proqramı saat 17:00-da UNEC-in rəsmi “Facebook” sosial şəbəkəsində canlı yayımlanacaq. Tələbələr Ulu Öndərin sevdiyi mahnıları ifa edəcək, şeirlər səsləndirəcəklər.
Ulu Öndərin doğum günü münasibətilə tələbələr arasında onlayn şahmat turniri də keçiriləcək. Yarışmanın nəticələri və qaliblər haqqında məlumat “UNEC News”da və universitetin sosial şəbəkələrində paylaşılacaq.
UNEC tələbələri Ümummilli Liderin əziz xatirəsinə həsr olunan videoçarx da hazırlayıblar. UNEC Tələbə Həmkarlar İttifaqı Komitəsinin ümummilli lider Heydər Əliyevin 97-ci ildönümünə həsr etdiyi videoçarxda tələbələr dahi şəxsiyyətin ölkəmiz və xalqımız qarşısındakı əvəzsiz xidmətlərindən söz açıb, Ulu Öndərin əziz xatirəsini dərin ehtiramla yad ediblər.
Bölmənin digər xəbərləri
