ÜNVANLI SOSİAL YARDIM ÜÇÜN MÜRACİƏTLƏR QƏBUL OLUNMAQDADIR
Yardımın verilməsində əsas kimi, hər bir ailə üzvü üçün ehtiyac meyarının məcmusu götürülür. Yəni, hər bir ailənin təminatının ödənilməsi üçün tələb olunan minimum məbləğ hesablanır. Respublika ərazisində yaşayan və müraciətdən əvvəlki son 6 ay (kənd təsərrüfatı və mövsümi işlə məşğul olanlar üçün 12 ay) ərzində orta aylıq gəliri onlardan asılı olmayan səbəblərdən ehtiyac meyarının məbləğindən aşağı olan hər bir vətəndaş sosial yardım almaq hüququna malikdir.
Ehtiyacı olan şəxslər regional sosial müdafiə mərkəzlərinə 17 adda (zəruri hallarda) sənəd təqdim etməlidirlər. Sosial yardımın təyin edilməsi barədə sənədlərə komissiyada 10 gün müddətində baxılacaqdır.
Sənədlərin və məlumatların düzgünlüyünü yoxlamaq üçün yardımı təyin edən orqan tərəfindən xüsusi yoxlamalar aparılacaqdır.
