Uşaqlarda iltihab sindromları və COVID-19: Parisin Necker mərkəzinin xəbərdarlığı
Paris, 29 aprel, AZƏRTAC
Fransada ürək çatışmazlığına səbəb ola biləcək hərarət, həzm və damar iltihabı sindromu əlamətləri ilə onlarla uşaq xəstəxanalara yerləşdirilib.
AZƏRTAC xəbər verir ki, Fransa Səhiyyə naziri Olivye Veran bu vəziyyətlə bağlı xəbərdarlıq edib.
Bildirib ki, Fransada və İngiltərədə xəstəxanalara yerləşdirilmiş bu uşaqların bəziləri koronavirus daşıyıcıları olub. Səhiyyə naziri bunun çox ciddi olduğunu vurğulayaraq, Fransada, eləcə də xaricdəki səhiyyə nümayəndələrini, elmi ictimaiyyəti bununla bağlı daha ətraflı məlumat əldə etmək məqsədilə səfərbər olmağa, koronavirusun bu əlamətlərin yaranmasına səbəb olub-olmamasını müəyyən etməyə çağırıb. Qeyd edilib ki, bu günə qədər uşaqlarda bu əlamətlərlə rastlaşılmadığına görə daha sayıq olunmalıdır.
Son 3 həftə ərzində təkcə Paris bölgəsində reanimasiya şöbələrinə bu əlamətlərlə müxtəlif yaşlarda olan 25 uşaq daxil olub. Belə uşaqların sayının artdığı bildirilir. Bu iltihab sindromunun ürəyi, ağciyərləri və həzm sistemini əhatə etdiyi göstərilib. Hazırda uşaqlarda rast gəlinən bu əlamətlərlə bağlı tibbi izahatın olmadığı, bu əlamətlərə Avropanın bir neçə ölkəsində, eləcə də Asiyada rast gəlindiyi bildirilib.
Şəhla Ağalarova
AZƏRTAC-ın xüsusi müxbiri
Paris
Bölmənin digər xəbərləri
