UŞAQLARIN PROBLEMLƏRİ DİQQƏT MƏRKƏZİNDƏDİR
AZƏRTAC xəbər verir ki, “İrşad” hotelində keçirilən yekun tədbirində iştirak edən Nazirlər Kabinetinin, nazirliklərin, dövlət komitələrinin nümayəndələri uşaq problemləri mövzusunda məruzələrinə görə Stokholm Universitetinin əməkdaşı Tor Svendsenə təşəkkürlərini bildirmiş, ölkəmizdə xüsusi qayğıya ehtiyacı olan uşaqların sosial rifahı istiqamətində atılan addımlardan danışmışlar. Natiqlər Prezident İlham Əliyevin 2006-cı il 29 mart tarixli Sərəncamı ilə təsdiq edilmiş “Azərbaycan Respublikasında dövlət uşaq müəssisələrindən uşaqların ailələrə verilməsi (De-institusionalizasiya) və alternativ qayğı Dövlət Proqramı (2006-2015-ci illər)” ilə əlaqədar vəzifələrin həyata keçirilməsində beynəlxalq təklilatlarla əməkdaşlığın genişləndirilməsinin əhəmiyyətini, respublikamızdakı bütün müvafiq təşkilatların səylərinin birləşdirilməsinin vacibliyini vurğulamışlar.
Proqramın imzalanmasından keçən yeddi ay ərzində müxtəlif qurumların nümayəndələrindən ibarət Əlaqələndirmə Şurasının gördüyü işlər diqqətə çatdırılmış, yaxından əməkdaşlıq üçün UNİCEF rəhbərliyinə minnətdarlıq edilmişdir.
Bölmənin digər xəbərləri
