VERSAL FƏVVARƏLƏRİ SUYA QƏNAƏT ETMƏYİ ÖYRƏDƏCƏKDİR
AZƏRTAC xəbər verir ki, Versal fəvvarələrinin yenidən bərpası sərfini azaltmağa imkan verəcəkdir.
Hazırda məşhur fəvvarələrdən saatda 4,5 min litr su axır. Bərpa zamanı fəvvarələrə yağış suyu çəkmək planlaşdırılır ki, bunun da sayəsində hər il 1,6 milyon kubmetr suya qənaət edilə bilər. Bərpa işləri beş il vaxt aparacaq və 20 milyon funt sterlinqə başa gələcəkdir.
İndi Versal fəvvarələri üçün su, üç əsr əvvəl olduğu kimi mürəkkəb hidravlik sistem vasitəsilə Sena çayından götürülür. Bu sistem qurulmazdan əvvəl mühəndislər fəvvarələri su ilə başqa üsullarla təmin etməyi sınaqdan keçirmiş, lakin bunlar səmərəsiz olmuşdur. Su o qədər az gəlirdi ki, kral XIV Lüdovik fəvvarələrə yaxınlaşanda xidmətçilər suyu qoşmağa və kral gedəndən sonra bağlamağa məcbur olurdular.
