“Vətən uğrunda” abidə-kompleksinin inşası davam etdirilir
Bakı, 10 noyabr (AZƏRTAC). “2011-2013-cü illərdə Bakı şəhərinin və onun qəsəbələrinin sosial-iqtisadi inkişafına dair Dövlət Proqramı” çərçivəsində Pirallahı rayonunda həyata keçirilən quruculuq və abadlıq işlərinin miqyası günü-gündən genişlənir.
Rayon icra hakimiyyətindən AZƏRTAC-a bildirmişlər ki, rayon ərazisində görülən abadlıq işləri ilə yanaşı “Vətən uğrunda” abidə-kompleksi də tikilir. Ümumi sahəsi 2800 kvadratmetr olacaq yeni kompleks aypara formasında olacaqdır. Yuxarıdan baxanda kompleks aypara və səkkizguşəli ulduz şəklində görünəcəkdir.
Hazırda “Vətən uğrunda” abidə-kompleksin ətrafında abadlaşdırma işləri görülür, ətrafdakı binaların dam örtükləri dəyişdirilir, fasad hissələri yenilənir.
Bölmənin digər xəbərləri
