VƏTƏNDAŞLARDAN NARKOTİK VASİTƏLƏR GÖTÜRÜLMÜŞDÜR
Daxili İşlər Nazirliyinin mətbuat xidmətindən AZƏRTAC-a bildirmişlər ki, Əzizbəyov Rayon Polis İdarəsinin əməkdaşları Sabirabad rayon sakini Abuş Babayevdən 487 qram marixuana götürmüşlər.
Qaradağ Rayon Polis İdarəsinin 11-ci bölməsinin əməkdaşları Ələt qəsəbə sakini, əvvəllər məhkum olunmuş Adiyar Qasımovun idarə etdiyi “Moskviç” markalı avtomaşına baxış zamanı 1,12 qram həşiş, Salyan Rayon Polis Şöbəsinin əməkdaşları rayon sakini, əvvəllər məhkum olunmuş Rövşən Quliyevdən 0,335 qram, Xaçmaz Rayon Polis Şöbəsinin əməkdaşları Xudat şəhər sakini Etibar Məmmədovdan 0,257 qram, Kürdəmir Rayon Polis Şöbəsinin əməkdaşları rayon sakini Elman Haqverdiyevdən 0,08 qram heroin aşkar edərək götürmüşlər.
Faktlarla bağlı araşdırmalar aparılır.
Bölmənin digər xəbərləri
