VETERAN MÜƏLLİM TƏQAÜDƏ YOLA SALINMIŞDIR
Ağsu rayonunun pedaqoji ictimaiyyəti peşəsinin vurğunu olan, ömrünün 67 ilini gənc nəslin təlim-tərbiyəsinə həsr edən 85 yaşlı əməkdar müəllim Fərzixan Vahidovu rayon müəllimlərinin avqustun 28-də keçirilmiş ənənəvi konfransında təntənəli şəraitdə təqaüdə yola salmışdır. Həmkarları qocaman maarif işçisinin təhsil sahəsindəki səmərəli fəaliyyətindən danışmış, ona ən xoş arzularını bildirmişlər.
Konfransda rayon məktəblərinin yeni dərs ilinə hazırlığından və indiki mərhələdə pedaqoji kollektivlərin qarşısında duran vəzifələrdən ətraflı söz açılmış, Azərbaycan müəllimlərinin XII qurultayına nümayəndələr seçilmişdir.
Konfrans iştirakçıları Azərbaycan Respubikasının Prezidenti Heydər Əliyevə müraciət qəbul etmişlər.
Bölmənin digər xəbərləri
