Videokonfrans: Xocalı soyqırımının tanınmasında diasporun rolu
Bakı, 8 may, AZƏRTAC
Azərbaycan Dövlət Pedaqoji Universiteti (ADPU) Tarix-coğrafiya fakültəsinin Azərbaycan tarixi kafedrasının və Diasporla İş üzrə Dövlət Komitəsinin birgə təşkilatçılığı ilə “Beyin qazanma proqramı” çərçivəsində “Azərbaycan torpaqlarının Ermənistan tərəfindən işğalının və Xocalı soyqırımının tanınmasında diasporun rolu” mövzusunda elmi-praktik videokonfrans keçirilib.
ADPU-dan AZƏRTAC-a bildirilib ki, videokonfransda Türkiyə - Azərbaycan Dostluq Əməkdaşlıq və Həmrəylik Fondunun sədri, professor Aygün Attarın mühazirəsi dinlənilib.
Azərbaycan tarixi kafedrasının müdiri, dosent Naibə Əhmədova, professor Xəqani Məmmədov, dosentlər Mübariz Ağalarov, Zakir Kərimov, tarix üzrə fəlsəfə doktoru Habil Həsənov, həmçinin fakültə tələbələrinin müzakirələri ilə konfrans işini davam etdirib.
Sonda Diasporla İş üzrə Dövlət Komitəsi nümayəndələrinin, eləcə də professor Aygün Attarın ADPU ilə gələcəkdə elmi əməkdaşlığına dair təkliflər irəli sürülüb.
Bölmənin digər xəbərləri
