“Vikipediya”nın Azərbaycan bölməsində istifadəçilərin aktivliyi müşahidə olunur
Bakı, 23 yanvar. AZƏRTAC
“Vikipediya”nın Azərbaycan bölməsində istifadəçilərin aktivliyi müşahidə olunur
AZƏRTAC “Vikipediya”ya istinadən xəbər verir ki, bu bölmədə məqalələrin sayı 102 min 356-ya çatıb. Hazırda “Az-viki”nin 104 min 459 qeydiyyatdan keçmiş istifadəçisi, 579 nəfər isə aktiv üzvü var. Aktiv üzv dedikdə son bir ayda iş görən istifadəçilər nəzərdə tutulur. Bölmə 13 administrator tərəfindən idarə olunur.
Azərbaycan dilində “Vikipediya” 2004-cü ilin yanvarından “az.wikipedia.org” ünvanında fəaliyyətə başlayıb. Hazırda Azərbaycana dair kontentin və “Vikipediya” kimi qlobal informasiya resurslarında ölkəmizlə əlaqədar məlumatların inkişaf etdirilməsi ilə bağlı işlər davam etdirilir.
Bölmənin digər xəbərləri
