VİŞNEVSKAYA PETERBURQDA DA OPERA MƏKTƏBİ YARATMAQ FİKRİNDƏDİR
Qalina Vişnevskaya Moskvadan sonra indi də Peterburqda özünün opera məktəbini yaratmaq istəyir.
RİA “Novosti” agentliyindən AZƏRTAC-a daxil olmuş məlumata görə, Moskvada yaratdığı opera sənəti məktəbi ilk tələbələrini keçən ilin sentyabrında qəbul etmişdir. Qalina Vişnevskayanın 180 namizəd arasından seçdiyi 25 nəfərə vokal, rəqs və səhnə davranışı üzrə ən yaxşı müəllimlər dərs keçirlər.
Vişnevskaya demişdir ki, bu cür məktəblər gənc müğənnilərin konservatoriyadan teatra keçid dövründə çox vacibdir. Çünki konservatoriyanın məzunları, demək olar ki, heç nə bacarmırlar, teatrların isə onları öyrətmək imkanı yoxdur və onlara hazır artistlər lazımdır.
Bölmənin digər xəbərləri
