XARİCİ İŞLƏR NAZİRLİYİNDƏ GÖRÜŞ
Səfir K.Qucerotti Azərbaycanda olduğundan məmnun qaldığını bildirmiş və ölkəmizin inkişafı, aparılan quruculuq işləri və əldə edilmiş nailiyyətlərin onda xoş təəssüratlar doğurduğunu vurğulamışdır.
Ermənistan-Azərbaycan, Dağlıq Qarabağ münaqişəsinin həlli istiqamətində aparılan danışıqlardan söhbət açan nazir E.Məmmədyarov münaqişənin Azərbaycanın ərazi bütövlüyü çərçivəsində, beynəlxalq hüququn norma və prinsipləri əsasında və ölkəmizin Konstitusiyasına uyğun həll olunmasının vacibliyini vurğulamışdır.
Görüşdə səfir K.Qucerotti dövlətlərimiz arasında daha sıx əlaqələrin qurulmasının, mədəniyyət və təhsil sahələrində qarşılıqlı mübadilənin inkişaf etdirilməsinin zəruriliyini qeyd etmişdir.
Nazir E.Məmmədyarov Azərbaycanda yaradılacaq Diplomatiya Akademiyası barədə qonağa məlumat vermiş və gələcəkdə təhsil sahəsində mübadilələrin genişləndirilməsinin, həmçinin ölkələrimiz arasında əməkdaşlığın inkişaf etdirilməsinin zəruriliyini vurğulamışdır.
Görüşdə qarşılıqlı maraq doğuran digər məsələlər ətrafında da fikir mübadiləsi aparılmışdır.
Bölmənin digər xəbərləri
