Xarkova dron hücumu olub, 4 nəfər ölüb
Kiyev, 24 noyabr, AZƏRTAC
Ukraynanın Xarkov şəhərinə endirilən dron zərbələri nəticəsində mülki infrastruktura ciddi ziyan dəyib.
AZƏRTAC Ukraynanın Fövqəladə Hallar üzrə Dövlət Xidmətinə istinadla xəbər verir ki, Xarkova pilotsuz təyyarə zərbəsi yanğınlarla nəticələnib, ölənlər və yaralananlar var. Məlumata görə, Rusiya ordusu Xarkovun Şevçenko və Saltovski rayonlarına pilotsuz təyyarələrlə zərbələr endirib. Zərbələr binaları dağıdıb və bir neçə yanğına səbəb olub. Üç yaşayış binası və bir infrastruktur obyekti yanıb.
İlkin məlumatlara görə, 4 nəfər ölüb, ikisi uşaq olmaqla azı 13 nəfər yaralanıb. Düşmən hücumunun nəticələrinin aradan qaldırılması üçün işlər davam etdirilir.
Emil Hüseynli
AZƏRTAC-ın xüsusi müxbiri
Kiyev
Bölmənin digər xəbərləri
