Xətai rayonunda yaşayış binasında baş vermiş yanğın zamanı dörd nəfər təxliyə edilib
Bakı, 17 yanvar, AZƏRTAC
Bakının Xətai rayonunda doqquzmərtəbəli yaşayış binasının ikinci mərtəbəsində ümumi sahəsi 62 kvadratmetr olan üçotaqlı mənzilin mətbəxində 8 kvadratmetr sahədə mebel və üç məişət avadanlığı yanıb.
Fövqəladə Hallar Nazirliyindən AZƏRTAC-a bildiriblər ki, yanğın zamanı mənzildən dörd sakin yanğınsöndürənlər tərəfindən təhlükəsiz əraziyə təxliyə edilib.
Mənzilin qalan hissəsi yanğından mühafizə olunub.
Alov yanğından mühafizə bölmələri tərəfindən söndürülüb.
Bölmənin digər xəbərləri
