Xəzər rayonunda reqbi bölməsinin yaradılması barədə razılıq əldə olunub
Bakı, 16 fevral, AZƏRTAC
Fevralın 16-da Azərbaycan Reqbi Federasiyanın rəsmiləri Xəzər Rayon Gənclər və İdman İdarəsində olublar.
Azərbaycan Reqbi Federasiyasının mətbuat xidmətindən AZƏRTAC-a verilən məlumata görə, federasiyanın birinci vitse-prezidenti Elvar Osmanov, baş katib Samirə Allahverdiyeva Xəzər Rayon Gənclər və İdman İdarəsinin rəisi Vüqar Əliyev ilə görüşüblər.
Görüşdə ölkəmizdə reqbi idman növünün inkişaf etdirilməsi, təbliği və kütləviləşməsi istiqamətdə fikir mübadiləsi aparılıb. Həmçinin Xəzər rayonunda reqbi bölməsinin yaradılması barədə razılıq əldə olunub.
Azərbaycan Reqbi Federasiyası bu cür görüşlərin bundan sonra da davam etdirilməsini qarşıya məqsəd qoyub.
Bölmənin digər xəbərləri
