Xəzərin Bilgəh sahilində bir nəfər batıb
Bakı, 1 avqust, AZƏRTAC
Bakı şəhəri, Sabunçu rayonu, Bilgəh qəsəbəsi, “Daçnik” adlanan və ən yaxın sularda xilasetmə məntəqəsindən 2 km aralı dənizdə nəzarətsiz ərazidə bir nəfər batıb.
AZƏRTAC xəbər verir ki, bununla bağlı Fövqəladə Hallar Nazirliyinin “112" qaynar telefon xəttinə məlumat daxil olub.
Dərhal FHN-in Kiçikhəcmli Gəmilərə Nəzarət və Sularda Xilasetmə Dövlət Xidmətinin dalğıc-xilasediciləri axtarışlara cəlb edilib.
Hazırda 2000-ci il təvəllüdlü Kazımov Nizam Rüfət oğlunun batdığı ehtimal edilən istiqamətlərdə axtarışlar həyata keçirilir.
Bölmənin digər xəbərləri
