“Xidmətdə mükəmməllik” seminarında 15 bankın təmsilçiləri iştirak etmişdir
Bakı, 14 noyabr (AZƏRTAC). Azərbaycan Mərkəzi Bankının təşkilatçılığı və Yapı Kredi Akademiyasının dəstəyi ilə “Xidmətdə mükəmməllik” mövzusunda seminar keçirilmişdir.
Əmanətlərin Sığortalanması Fondundan (ƏSF) AZƏRTAC-a bildirmişlər ki, seminarın məqsədi bankın əməkdaşlarının müştərilərə göstərdiyi xidmətin keyfiyyətini artırmaq və əməkdaşlarla müştərilər arasında ünsiyyəti təkmilləşdirməkdir.
Seminarda ƏSF-nın əməkdaşı Elçin Niftiyev çıxış edərək, Əmanətlərin Sığortalanması Fondu və əmanətlərin sığortalanması sistemi haqqında məlumat vermişdir.
Seminarda 15 bankın təmsilçiləri iştirak etmişdir. Sonda iştirakçılara sertifikatlar təqdim olunmuşdur.
Bölmənin digər xəbərləri
