Xocalı həqiqətlərinin dünya ictimaiyyətinə çatdırılmasına hər bir azərbaycanlı dəstək olmalıdır
Ağdaş, 26 fevral (AZƏRTAC). YAP Ağdaş rayon təşkilatının Gənclər Birliyi Xocalı soyqırımı ilə əlaqədar elmi-nəzəri konfrans keçirmişdir. AZƏRTAC xəbər verir ki, konfransda 1992-ci il fevralın 25-dən 26-na keçən gecə Xocalı əhalisinin başına gətirilən müsibətlərdən danışılmış, Prezident İlham Əliyevin rəhbərliyi ilə dünyada bu faciənin soyqırımı kimi tanınması istiqamətində aparılan məqsədyönlü işlərdən bəhs edilmişdir.
Daha sonra “Ermənilərin Azərbaycan torpaqlarına köçürülmə siyasəti”, “Xocalı hadisəsinə ilk siyasi qiymətin verilməsi”, , “Xocalı gənclərin gözü ilə”, “Xocalı soyqırımını tanıdaq” mövzularında məruzələr dinlənilmişdir.
Xocalı həqiqətlərini dünya ictimaiyyətinə çatdırmaq və soyqırımı kimi tanınmasına nail olmaq istiqamətində aparılan işlərdən danışan natiqlər qeyd etmişlər ki, buna hər bir azərbaycanlı çox fəal şəkildə dəstək olmalıdır.
Bölmənin digər xəbərləri
