Xocalıda insanlar milli mənsubiyyətinə görə qətlə yetiriliblər
Bakı, 25 fevral, AZƏRTAC
Dövlət İmtahan Mərkəzində (DİM) Xocalı soyqırımının 25-ci ildönümü ilə əlaqədar anım mərasimi keçirilib.
DİM-dən AZƏRTAC-a bildiriblər ki, tədbirdə mərkəzin Direktorlar Şurasının sədri Məleykə Abbaszadə bəşəriyyətə qarşı dəhşətli cinayət olan Xocalı soyqırımının ağır nəticələrindən, o cümlədən erməni qəsbkarlarının azərbaycanlılara qarşı əsrlərboyu həyata keçirdikləri etnik təmizləmə siyasətindən bəhs edib. Vurğulanıb ki, bu kimi əməllərin qabaqcadan düşünülmüş qaydada, milli mənsubiyyətinə görə insanların tamamilə və ya qismən məhv edilməsi niyyəti ilə törədilməsi Xocalı faciəsinin məhz soyqırımı olduğunu təsdiq edir.
Tədbirdə DİM-in mərkəzi aparatının və regional bölmələrinin əməkdaşları diqqətə çatdırıblar ki, erməni silahlı qüvvələri bütün beynəlxalq hüquq normalarını pozaraq Xocalı üzərinə ağır hərbi texnika yeridib, dinc əhaliyə misli görünməmiş qəddarlıqla divan tutublar və hərbi-siyasi təcavüz zamanı yüzlərlə həmvətənimiz həlak olub, mindən artıq soydaşımız isə girov götürülüb.
Bölmənin digər xəbərləri
