“XXI ƏSRİN MUZEYİ: PROBLEMLƏR,PERSPEKTİVLƏR” MÖVZUSUNDA DƏYİRMİ MASA KEÇİRİLMİŞDİR
AZƏRTAC xəbər verir ki, mayın 18-də Muzey Mərkəzində Azərbaycan Mədəniyyət və Turizm Nazirliyinin və Beynəlxalq Muzeylər Şurası (İCOM) Azərbaycan Milli Komitəsinin birgə təşkilatçılığı ilə 18 May - Beynəlxalq Muzeylər günü münasibətilə “XXI əsrin muzeyi: problemlər, perspektivlər” mövzusunda dəyirmi masa keçirmişdir.
Mədəniyyət və turizm nazirliyinin şöbə müdiri Fikrət Babayev Azərbaycanda muzey işinin yaxşılaşdırılması və yenidən qurulması istiqamətində atılan addımlardan danışmış, dövlətimizin başçısının Sərəncamı ilə bir sıra muzeylərin əsaslı təmir olunduğunu bildirmişdir. O, bölgələrdə Tarix-Diyarşünaslıq Muzeylərinin bərpa edildiyini, yenilərinin də yaradılacağını qeyd etmişdir.
ABŞ-ın Kobi LTD fondunun icraçı direktoru L. E. Mintz Azərbaycanda yerləşən muzeylərlə tanışlıqdan, eləcə də ölkəmizin mədəni irsinin yüksək səviyyədə təbliğindən məmnunluğunu ifadə etmişdir.
Tədbirdə çıxış edən digər natiqlər işğal altında qalan ərazilərimizdəki tarixi mədəniyyət abidələrimizin ermənilər tərəfindən vəhşicəsinə məhv edildiyini bildirmiş, dünya ictimaiyyətini Azərbaycana dəstək olmağa şağırmışlar.
Dəyirmi masada həmçinin, muzeylərdə işləmək üçün ali məktəblərdə kadrların hazırlanmasının vacibliyi qyed olunmuşdur.
Tədbirdə bildirilmişdir ki, sentyabrda Azərbaycan muzeylərinin müasir problemlərinə həsr olunmuş beynəlxalq konfrans keçiriləcəkdir.
Bölmənin digər xəbərləri
