YALTADA GUÖAM ÖLKƏLƏRİNİN SAMMİTİ KEÇİRİLƏCƏKDİR
İTAR-TAS Agentliyindən AZƏRTAC-a daxil olan məlumatda deyilir ki, iyulun 3-4-də Yaltada GUÖAM ölkələrinin ( Gürcüstan, Ukrayna, Özbəkistan, Azərbaycan, Moldova) sammiti keçiriləcəkdir. Sammitdə GUÖAM ölkələri başçıları, həmçinin ABŞ dövlət katibinin köməkçisinin müavini Stiven Payferin başçılığı ilə nümayəndə heyəti də iştirak edəcəkdir. Sammitə 19 dövlət, o cümlədən ABŞ, Polşa, Almaniya, Kanada, Braziliya, Rusiya, Çexiya, Qazaxıstan, Belarus, Fransa, eyni zamanda 10-dan ariıq beynəlxalq təşkilat- ATƏT, BMT-nin Avropa iqtisadi komissiyası, Qara dəniz iqtisadi əməkdaşlıq təşkilatı və s. qurumlar dəvət olunmuşdur. Sammitdə imzalanmaq üçün sərhədyanı, gömrük, elm və təhsil sahələrində, o cümlədən fövqəladə halların bildirilməsi və onun nəticələrinin ləğv edilməsi barədə sənədlər də hazırlanır.
Bölmənin digər xəbərləri
