Yanacaqdoldurma məntəqəsində qətl hadisəsi törədilib
Sumqayıt, 24 aprel, Ətrabə Rzayeva, AZƏRTAC
Sumqayıt şəhərini Abşeron rayonu Saray qəsəbəsi ilə birləşdirən ərazidə yerləşən yanacaqdoldurma məntəqəsində qətl hadisəsi baş verib.
Sumqayıt şəhər Prokurorluğundan AZƏRTAC-a bildirilib ki, hadisə aprelin 23-də saat 15 radələrində qeydə alınıb.
Belə ki, Abşeron rayon Saray qəsəbə sakini, 1987-ci il təvəllüdlü Əsgərov Sücayət Əhməd oğlu öz avtomobilində naməlum şəxs tərəfindən ürəyindən bıçaqlanıb. Zərərçəkən ağır vəziyyətdə Sumqayıt Şəhər Təcili Tibbi Yardım Xəstəxanasına çatdırılsa da dünyasını dəyişib.
Faktla bağlı şəhər prokurorluğunda Cinayət Məcəlləsinin 120.1-ci (qəsdən adam öldürmə) maddəsi ilə cinayət işi başlayıb.
Bölmənin digər xəbərləri
