Yanvar ayında Aktau limanında yük dövriyyəsi 12,7 faiz artıb
Bakı, 14 fevral, AZƏRTAC
Qazaxıstanın Aktau limanında yük dövriyyəsi 2024-cü ilin yanvarında ötən ilin müvafiq ayı ilə müqayisədə 12,7 faiz artaraq 60 min ton təşkil edib. Liman, o cümlədən 3 min ton taxıl, 310 min ton neft və neft məhsulları emal edib.
AZƏRTAC Qazaxıstan Dəmir Yollarına istinadla xəbər verir ki, hesabat ayında Aktau vasitəsilə konteynerlərin boşaldılıb yüklənməsi 30 faiz artaraq 2,3 min TEU, o cümlədən Transxəzər Beynəlxalq Nəqliyyat Marşrutu üzrə 2 min TEU təşkil edib.
Aktau limanından 2024-cü ilin yanvarında Qazaxıstan neftinin ixracı 287 min ton təşkil edib (artım 36 faiz), o cümlədən neftin Bakı limanı istiqamətinə nəqli iki dəfə - 116 min tonadək artıb.
Aktau dəniz limanı Xəzər dənizinin şərq sahilboyunda, Qazaxıstan, İran, Azərbaycan, Rusiya və Türkiyəni birləşdirən nəqliyyat dəhlizlərinin kəsişməsində yerləşir. Liman quru yüklərin, xam neftin və neft məhsullarının boşaldılıb yüklənməsini təmin edir.
Bölmənin digər xəbərləri
