YAP ƏRAZİ TƏŞKİLATININ HESABAT-SEÇKİ YIĞINCAĞI KEÇİRİLMİŞDİR
Təşkilatın sədri Həsən Allahverdiyev hesabat dövründə görülmüş işlər haqqında məruzə etmiş, məlumat vermişdir ki, təşkilat öz sıralarında 3 min nəfəri birləşdirir. Onların 70 faizi gənclərdir. Hesabat dövründə partiya sıralarına 300 nəfər qəbul edilmişdir. Təşkilatın üzvləri təhsil ocağının ictimai-siyasi həyatında yaxından iştirak edirlər. Gənclərin ideya-siyasi səviyyəsinin yüksəldilməsinə ciddi diqqət yetirilir. Ötən müddətdə onların YAP sədrinin müavini, partiyanın icra katibi Əli Əhmədov, iqtisadi inkişaf naziri Heydər Babayev, təhsil naziri Misir Mərdanov və başqaları ilə görüşləri təşkil edilmişdir.
Çıxışlarda ərazi təşkilatının hesabat dövründə gördüyü işlər qənaətbəxş hesab edilmişdir.
Ərazi təşkilatının sədri, idarə heyətinin üzvləri və YAP Səbail rayon təşkilatının konfransına nümayəndələr seçilmişlər.
Hesabat-seçki yığıncağında YAP Səbail rayon təşkilatının sədri professor Zahid Qaralov çıxış etmişdir.
Bölmənin digər xəbərləri
