Yaponiya və ABŞ liderləri arasında telefon danışığı olub
Tokio, 10 avqust, AZƏRTAC
Avqustun 10-da Yaponiyanın Baş naziri Yoşihide Suqa ilə ABŞ Prezidenti Co Bayden arasında telefon danışığı olub.
AZƏRTAC Kyodo agentliyinə istinadla xəbər verir ki, ABŞ Prezidenti Tokio Yay Olimpiya Oyunlarının uğurlu təşkili münasibətilə Yaponiya hökumətinin başçısını təbrik edib.
Telefon danışığından sonra Y.Suqa jurnalistlərə deyib ki, ABŞ Prezidentinə Tokioda Yay Paralimpiya Oyunlarını da təhlükəsiz formatda keçirmək niyyətində olduğunu deyib və bunun üçün C.Baydeni əməkdaşlığa çağırıb.
Bununla yanaşı, danışıqlar zamanı tərəflərin azad və açıq Hind-Sakit okeanı regionu konsepsiyasının həyata keçirilməsi üçün sıx əməkdaşlığı davam etdirmək barədə razılığa gəldikləri də qeyd edilir.
Xatırladaq ki, Tokio Yay Olimpiya Oyunları iyulun 23-dən avqustun 8-dək keçirilib.
Vüqar Ağayev
AZƏRTAC-ın xüsusi müxbiri
Tokio
Bölmənin digər xəbərləri
